Landslög - lögfræðistofa hóf starfsemi hinn 30. apríl 1999 en uppruna hennar má rekja aftur til 1971. Stofan veitir alhliða lögfræðiþjónustu og hefur aðsetur í Reykjavík (Sjá kort) og í Reykjanesbæ.
Verkefni Landslaga eru fjölbreytt enda eru viðskiptavinir stofunnar allt frá einstaklingum til stórfyrirtækja, fjármálastofnana, sveitarfélaga og stofnana ríkisins.
Lögmenn stofunnar búa yfir mikilli sérhæfingu á ýmsum sviðum, svo sem í skaðabótamálum, fyrirtækjaráðgjöf, verktaka- og útboðsrétti, stjórnsýslurétti og málflutningi fyrir dómstólum.
Tólf lögmenn starfa hjá Landslögum, þar af fimm með rétt til málflutnings fyrir Hæstarétti.
Landslög - lögfræðistofa fær mjög góða umsögn hjá lögfræðimatsfyrirtækinu Legal 500, sjá nánar: Legal 500
Athyglisverðir dómar:
Þann 5. febrúar 2009 var staðfest með dómi Héraðsdóms Reykjavíkur að vátryggingafélagi bæri að greiða allan sjúkrakostnað umbjóðanda Landslaga-lögfræðistofu í kjölfar umferðarslyss, auk dráttarvaxta og málskostnaðar. Vátryggingafélagið sem var greiðsluskylt vegna umferðarslyssins neitaði að greiða sjúkraþjálfunar- og lyfjakostnað sem féll til meira en þremur mánuðum eftir slysið, þ.e. eftir svokallaðan stöðugleikatímapunkt (batahvörf). Héraðsdómur taldi sannað með læknisfræðilegum gögnum að hin slasaða hefði haft verki vegna meiðsla sem hún hlaut í umferðarslysinu og að henni hafi verið nauðsynlegt að leita bóta á því með sjúkraþjálfun og lyfjum þrátt fyrir að matsmenn teldu síðar að heilsufar hennar hefði verið stöðugt fyrir þann tíma. Tómas Hrafn Sveinsson, hdl., flutti málið fyrir hönd hinnar slösuðu, sjá dóminn hér.
Þann 15. janúar 2009 staðfesti Hæstiréttur Íslands niðurstöðu héraðsdóms þess efnis að fyrrum ráðgefandi læknir tryggingarfélags væri vanhæfur til matsstarfa í skaðabótamáli vegna umferðarslyss sem umbjóðandi Landslaga-lögfræðistofu höfðaði gegn tryggingafélaginu. Málið laut að því að umræddur læknir hafði verið dómkvaddur sem matsmaður til að meta tilteknar afleiðingar slyssins. Hæstiréttur felldi þá dómkvaðningu úr gildi vegna vanhæfis matsmannsins. Lögmenn Landslaga leggja ríka áherslu á að umbjóðendur stofunnar verði aðeins metnir af óhlutdrægum matsmönnum. Viðar Lúðvíksson, hrl., flutti málið fyrir hönd hins slasaða, sjá dóminn hér.
Þann 23. október 2008 var staðfest með dómi Hæstaréttar Íslands skaðabótakrafa umbjóðanda Landslaga-lögfræðistofu á hendur tryggingafélagi, en tryggingafélagið hafði haldið því fram að bótakrafan væri fyrnd. Hæstiréttur taldi að miða bæri upphaf fyrningarfrests skv. 99. gr. umferðarlaga nr. 50/1987 við það tímamark er hinni slösuðu hefði fyrst verið ljóst að hún hefði hlotið varanleg mein af slysinu, en það var eftir að hún leitaði til sérfræðings í bæklunarlækningum. Þessi dómur er nýtt og skýrt fordæmi á sviði skaðabótaréttar um upphafstíma fyrningarfrests skaðabótakrafna vegna umferðarslysa. Grímur Sigurðsson, hrl., flutti málið fyrir tjónþola, sjá dóminn hér.
Þann 8. maí 2008 var með dómi Hæstaréttar Íslands viðurkenndur réttur Hópbílaleigunnar ehf. til skaðabóta úr hendi íslenska ríkisins vegna missis hagnaðar. Skaðabótaskyldan var viðurkennd því Vegagerðin hafnaði með ólögmætum hætti nánar tilgreindum tilboðum Hópbílaleigunnar ehf. í sérleyfisakstur. Lögmaður Hópbílaleigunnar ehf. var Jóhannes Karl Sveinsson, hrl., einn af eigendum Landslaga-lögfræðistofu, sjá nánar hér.
Þann 25. apríl 2008 voru umbjóðanda Landslaga-lögfræðistofu dæmdar 43 milljónir króna auk vaxta og dráttarvaxta í skaðabætur vegna slyss. Grímur Sigurðsson, hrl., flutti málið fyrir tjónþola, sjá dóminn hér.
Þann 7. febrúar 2008 voru Reykjavíkurborg og Strætó dæmdar í Hæstarétti Íslands samtals rúmar 78 milljónir króna auk vaxta og dráttarvaxta í skaðabætur vegna samráðs olíufélaganna. Lögmaður Reykjavíkurborgar og Strætó var Vilhjálmur H. Vilhjálmsson, hrl., einn af eigendum Landslaga-lögfræðistofu. Sjá dóminn hér:
Hafðu samband
Ef þú telur að þú eigir rétt á slysabótum eða hefur spurningar um bótarétt hafðu þá samband í síma 520 2900 eða sendu póst á netfangið landslog@landslog.is þér að kostnaðarlausu. Sjá nánari umfjöllun um skaða- og slysabætur hér.
Landslög - lögfræðistofa er aðili að samtökunum Legal Netlink Alliance.