Öll þjónusta á einum stað

Um síðustu áramót var öll starfsemi Landslaga sameinuð á einum stað í Borgartúni 26, Reykjavík. Þjónustuframboð Landslaga verður hið sama og áður. Við munum eftir sem áður kappkosta við að veita Suðurnesjamönnum góða lögfræðiþjónustu líkt og gert hafði verið um árabil á skrifstofu okkar í Hafnargötu í Reykjanesbæ.

Landslög eru ein stærsta lögmannstofa landsins með 17 starfandi lögmenn. Fyrirtækið á rætur að rekja aftur til ársins 1971 . Félagið kappkostar að veita einstaklingum jafnt sem fyrirtækjum fyrsta flokks lögfræðiþjónustu.

Um árabil hafa Landslög sérhæft sig í hvers konar ráðgjöf og hagsmunagæslu fyrir fyrirtæki í íslensku viðskiptalífi bæði innanlands og utan. Fjöldi stofnana og sveitarfélaga er á meðal viðskiptavina okkar. Þá búa Landslög yfir mikilli reynslu og sérþekkingu í skaðabótamálum einstaklinga. Samspil ólíkrar menntunar og reynslu starfsmanna gerir Landslögum kleift að takast á við nær hvers konar verkefni á sviði lögfræði.

Með samstarfi við erlendar lögmannsstofur getum við veitt lögfræðiþjónustu eða liðsinnt um allan heim. Landslög eru aðili að alþjóðlegum samtökum lögmannsstofa; Legal Netlink Alliance.

Viljir þú kanna réttastöðu þína eða þíns fyrirtækis bjóðum við þér að hafa við okkur samband í síma 520-2900 eða með því að senda tölvupóst á landslog@landslog.is. Sérhæfðir starfsmenn okkar leitast við að svara fyrirspurnum um bótarétt einstaklinga þeim að kostnaðarlausu (nánari upplýsingar).