Hér að neðan má nálgast stefnu Málsóknarfélags hluthafa Landsbanka Íslands, skjalaskrá sem lögð var fram við þingfestingu og lögfræðiálit Ragnars H. Hall um ábyrgð félagsmanna í málsóknarfélagi: Stefna Skjalaskrá Lögfræðiálit

Í gær, 27. október 2015, var þingfest stefna Málsóknarfélags hluthafa Landsbanka Íslands hf. Mætt var fyrir hönd Björgólfs Thors og óskað eftir 3 vikna fresti til að skila inn greinargerð um frávísun málsins frá dómi, þ.e. að málinu verði vísað frá án þess að efnismeðferð þess fari fram. Samtals voru félagsmenn málsóknarfélagsins við þingfestinguna 235 og fara þeir samtals með hlutafé að nafnverði kr. 617.181.759 eða 5,51% af hlutafé Landsbanka Íslands hf. eða um rúmlega helming þess hlutafjár sem ekki var í eigu Samson, Landsbankans sjálfs eða félaga sem eru í slitameðferð. Þátttaka í málsóknarfélaginu er umfram upphaflegar væntingar og er því ljóst að félagið er mjög vel í stakk búið til að standa straum af kostnaði af málsókn og greiðslu málskostnaðar komi til þess.

Í kjölfar umfjöllunar Kastljóss um hópmálsókn fyrrum hluthafa í Landsbanka Íslands og auglýsinga um kynningarfund um hópmálsóknina sendi Björgólfur Thor frá sér yfirlýsingu sem hafði að geyma rangfærslur. Stjórn málsóknarfélagsins svaraði með fréttayfirlýsingu sem er aðgengileg með því að smella á þennan hlekk.

Kastljós var með ítarlega umfjöllun um væntanlega málsókn fyrrum hluthafa í Landsbanka Íslands á hendur Björgólfi Thor þann 23. júní 2015. Með því að smella á þennan hlekk má sjá umfjöllun Kastljóss sem verður aðgengileg á vefsíðu RÚV til 21. september 2015

Kynningarfundur um hópmálsóknina verður haldinn fimmtudaginn 25. júní næstkomandi klukkan 17:00 í stofu V101 í Háskólanum í Reykjavík. Frekari upplýsingar er hægt að fá með því að senda tölvubréf á netfangið malsokn@landslog.is eða í síma 520 2917.

Sátt milli málsóknarfélaganna og Björgólfs Thors

Sátt hefur náðst sátt á milli málsóknarfélaganna og Björgólfs Thors Björgólfssonar, vegna málshöfðunar félaganna á hendur honum til viðurkenningar á bótaskyldu.  Samhliða voru einnig gerðar sáttir í samkynja málum sem Fiskveiðahlutafélagið Venus hf. og Hvalur hf. höfðuðu á hendur Björgólfi Thor.

Með sáttinni lofar Björgólfur Thor að greiða til málsóknarfélaganna (samtals til allra þriggja félaganna) fjárhæð sem skiptist þannig að 210.000.000 krónur greiðast með peningum þann 15. júní 2024 en 3.539.232 evrur greiðast með skuldabréfi sem verður með Euribor vöxtum og gjalddaga þann 31.12.2024.

Ofangreind sátt málsóknarfélaganna var gerð og undirrituð með stuðningi stærstu hagaðila í málsóknarfélögunum. Sáttin var jafnframt gerð og undirrituð með fyrirvara um samþykki félagsfunda málsóknarfélaganna við sáttinni.

Boðað hefur verið til félagsfundar með tölvupósti til félagsmanna eins og samþykktir gera ráð fyrir.

Félagsfundir í Málsóknarfélagi hluthafa Landsbanka Íslands, kt. 660815-0230, Málsóknarfélagi hluthafa Landsbanka Íslands II, kt. 511016-0450 og Málsóknarfélagi hluthafa Landsbanka Íslands III, verður haldinn föstudaginn 31. maí 2024, kl. 10:30 í Hátíðarsal Gróttu, Hertz-höllinni – Íþróttahúsi Gróttu, 2. hæð (gengið inn um aðalinngang og upp tröppur á móti aðalinngangi – einnig lyfta til staðar), Suðurströnd 8, 170 Seltjarnarnesi, þar sem á dagskrá verður:

1. Kynning á sátt við Björgólf Thor Björgólfsson og hún borin undir félagsmenn.
2. Ef sáttin verður samþykkt er eftirfarandi tillaga lögð fram um greiðslu til félagsmanna: „Að allir félagsmenn málsóknarfélaganna fái bætur sem svari til gengisins 6 fyrir fyrstu milljón hlutina sem hver félagsmaður átti í Landsbankanum hf. og verði peningagreiðsla sem kemur þann 15. júní 2024 nýtt til að gera upp þann hluta bótaréttar allra félagsmanna. Að því leyti sem bótaréttur er þá óuppgerður verði eftirstöðvum greiðslunnar þann 15. júní 2024 skipt hlutfallslega milli þeirra sem eiga fleiri hluti en eina milljón hluti.  Sama á við um skiptingu á þeirri greiðslu sem kemur þann 31. 12. 2024, þ.e. hún skiptist hlutfallslega á milli þeirra sem áttu fleiri en eina milljón hluti. Ekkert verði greitt til Urriðahæðar ehf. Við uppgjör til félagsmanna  mun dragast frá umsamin árangurstengd þóknun til Landslaga slf. sem er 10% að meðtöldum vsk. af hverri greiðslu til félagsmanns.“